Braŭni — kłasičny šakaładny desiert
Kłasika ŭ śviecie šakaładnych desiertaŭ — pirožnyja braŭni sa ščylnaj, sakavitaj siaredzinaj i chrumstkim viercham, jany hatujucca z prostych praduktaŭ, jakija zvyčajna jość na kuchni.
27.05.2023 / 07:55
Desiert braŭni. Fota: inspiredtaste.net
Vam spatrebicca:
- 10 stałovych łyžak (145 hramaŭ) niesalonaha śmietankovaha masła,
- 1 i ¼ šklanki (250 h) cukru,
- ¾ kubka plus 2 stałovyja łyžki (80 h) niesałodkaha kakava-parašku,
- 1/4 čajnaj łyžki soli (biarycie trochi mienš, kali ŭ vas drobnaja marskaja sol),
- 1 čajnaja łyžka vanilnaha ekstraktu,
- 2 vialikija chałodnyja jajki,
- 1/2 šklanki (65 h) univiersalnaj muki,
- 2/3 šklanki (75 h) zdrobnienych hreckich arechaŭ ci arechaŭ piekan, pa žadańni.
Jak hatavać:
- Rastapicie masła z cukram, sollu i kakava-paraškom. Idealna rabić heta ŭ paravarcy: nahravańnie cukru takim čynam dapamahaje pieramiaścić jaho na vierchniuju častku pirožnych, kali jany buduć u duchoŭcy, — tady ŭ desiertu atrymajecca słavuty «hafryravany vierch». Ale vy taksama možacie rastapić masła z kakavaj u mikrachvaloŭcy abo ŭ rondali na siarednim ahni.
- Dadajcie vanil i jajki. Jajki lepš dadavać pa adnym, pastupova ŭmiešvajučy.
- Kali ciesta stanie hustym i dobra pieramiašanym, dadajcie muku. Vykarystoŭvajcie łyžku, kab ubić muku ŭ ciesta, pakul jano nie stanie vielmi hustym i nie budzie adstavać ad ścienak miski.
- Dadajcie arechi, kali vykarystoŭvajecie.
- Pirožnyja vypiakajucca ŭ formie dla vypiečki ŭ duchoŭcy 20—30 chvilin pry tempieratury 170 hradusaŭ. Vypiakajcie braŭni, pakul krai nie stanuć suchimi, a siaredzina — źlohku niedapiečanaj. Hatoŭnaść možna pravieryć, utknuŭšy ŭ centr zubačystku. Pirožnyja hatovyja, kali zubačystka vychodzić ź vilhotnymi kroškami.
- Całkam astudzicie, pierš čym vymać z formy — hety krok dapamoža braŭni zastyć. Razrežcie na 16 kvadrataŭ.
Vam taksama moža spadabacca:
Desiert z čarnaślivu i hreckich arechaŭ ź viarškami: vytančany smak i sucelnaja karyść