Hramadstva

Zatrymali traich supracoŭnikaŭ Połackaha dziaržaŭnaha ŭniviersiteta

Ranicaj 23 maja ŭ Navapołacku i Połacku zatrymali viadučuju vykładčycu kafiedry suśvietnaj litaratury i zamiežnych moŭ PDU Alenu Chramcovu, kandydata histaryčnych navuk, dacenta kafiedry historyi i turyzmu PDU Viktara Čaraŭko i supracoŭnicu repazitaryja Lidziju Zujevu, paviedamlaje na padstavie śviedčańnia svaich krynic telehram-kanał «Pozirk».

Fota: Jandeks. Karty

Jak na hety momant viadoma, Alenu Chramcovu abvinavačvajuć u padpiscy na telehram-kanał «Biełaruś hałaŭnoha mozha». Joj inkryminavali artykuł 19.11 KaAP (raspaŭsiudžvańnie ekstremisckaj infarmacyi). Akramia taho, jaje abjavili śviedkam pa kryminalnaj spravie i na hetaj padstavie praviali pieratrus z vymańniem techniki.

U čym abvinavačvajuć inšych zatrymanych, pakul nie paviedamlajecca.

Raniej, u kancy sakavika, prajšli masavyja zatrymańni supracoŭnikaŭ Połackaha historyka-kulturnaha zapaviednika. Častka ź ich adbyła administracyjnyja aryšty, u tym liku sieryjami ź niekalkich zatrymańniaŭ zapar.

Čytajcie taksama:

Suprać Maryi Kaleśnikavaj u kałonii zładzili pravakacyju — pravaabaroncy

Siłaviki zatrymali jašče adnaho biełarusa, jaki vyrašyŭ viarnucca ŭ krainu

U Minsku zatrymali dvuch bratoŭ

Kamientary da artykuła