У Мінску затрымалі двух братоў, удзельнікаў музычнага гурта
У Мінску сілавікі затрымалі двух братоў: 26-гадовага Дзяніса і 31-гадовага Дзмітрыя Петуха. Відэа з іх затрыманнем апублікаваў блізкі да сілавікоў тэлеграм-канал, піша «Медыязона».
24.05.2023 / 10:26
Затрыманне адбылося яшчэ 22 мая, але вядома пра яго стала толькі сёння.
Дзяніс і Дзмітрый — удзельнікі музычнага гурта faceOFF. «Наша група заснавана ў славутым горадзе на Дняпры — Жлобіне. На гэты момант увесь састаў знаходзіцца ў Мінску», — паведамляе калектыў на старонцы ва «Укантакце».
Па якім артыкуле затрымалі братоў і дзе яны цяпер знаходзяцца, невядома.