MARH «karektuje» sistemu rehulavańnia cenaŭ, ale zachavaje jaje da kanca hoda
Ministr antymanapolnaha rehulavańnia i handlu Alaksiej Bahdanaŭ raskazaŭ žurnalistam ab tym, jak buduć karektavać sistemu rehulavańnia cen, pieradaje BIEŁTA.
24.05.2023 / 17:12
Pastanovaj urada numar 713 u minułym hodzie była ŭviedziena novaja sistema rehulavańnia cen. Adbyłosia heta paśla taho, jak u kastryčniku Łukašenka zahadaŭ spynić ceny.
U hetym hodzie ŭ Biełarusi stvorana ekśpiertnaja rabočaja hrupa dla realizacyi pastanovy.
«Jana hienieruje idei pa transfarmacyi dziejučaj sistemy cenavaha rehulavańnia ŭ niejki inšy miechanizm, vypracoŭvaje alternatyŭnyja prapanovy. Heta hłabalnaja zadača. Pakul my taksama pracujem nad udaskanaleńniem padychodaŭ na biahučy pieryjad, pakul pastanova numar 713 budzie jašče dziejničać», — skazaŭ Alaksiej Bahdanaŭ.
Pavodle jaho słoŭ, sioleta pastanovu admianiać nie płanujecca.
«My budziem pracavać pa im uvieś hod, tamu što zadača staić vielmi napružanaja — zabiaśpiečyć 7-8 pracentaŭ inflacyi pa vynikach hoda. Novaja sistema cenavaha rehulavańnia dakazała svaju efiektyŭnaść. Z taho momantu, kali była pryniata heta pastanova, inflacyja zamarudziłasia na 12,7%», — skazaŭ ministr.
Tym nie mienš, pavodle jaho, naśpieła nieabchodnaść «udaskanalić padychody».
Alaksandr Łukašenka rasparadziŭsia z 6 kastryčnika ŭvieści zabaronu na pavyšeńnie cen u krainie. Heta ledź nie pryviało da kałapsu ŭ handli. Paźniej MARH uvodziŭ pasłableńni ŭ takoj sistemie rehulavańnia cen.