Pamior viciebski krajaznaŭca, daśledčyk kamunistyčnych represij Uładzimir Ivanoŭ
Jamu było 74 hady. U apošnija hady jon sam-nasam zmahaŭsia ź ciažkaj chvarobaj.
27.05.2023 / 17:29
Pa sabie jon pakinuŭ dobruju pamiać i niekalki hruntoŭnych daśledavańniaŭ, u tym liku pra kamunistyčnyja represii na Viciebščynie ŭ pieryjad z 1918 pa 1950-ja hady, piša «Viciebskaja Viasna».
Uładzimir Ivanoŭ šmat hadoŭ pracavaŭ u orhanach MUS i na mytni, byŭ likvidataram nastupstvaŭ aparyi na ČAES. Kali vyjšaŭ na piensiju, uvieś svoj volny čas pryśviačaŭ vyvučeńniu historyi rodnaha kraju — chadziŭ u vandroŭki, šmat pracavaŭ u archivach, źbiraŭ cikavyja artefakty, razam ź siabram Piatrom Marozavym stvaryŭ na mohiłkach u vioscy Ševina unikalnuju ekspazicyju pad adkrytym niebym, pryśviečanuju staražytnym pachavalnym abradaŭ kryvičoŭ.
Adnoj z temaŭ, jakija cikavili daśledčyka, byli represii savieckaha času ŭ dačynieńni da žycharoŭ viciebskaha rehijonu. Niekalki jahonych daśledavańniaŭ byli vydadzienyja. Uładzimir Ivanoŭ byŭ udzielnikam hramadskaj inicyjatyvy «Chajsy — viciebskija Kurapaty», šmat zrabiŭ dla ŭšanavańnia pamiaci achviaraŭ stalinskaha teroru pad Viciebskam.