Łukašenku taksama niechta padaryŭ vahnieraŭskuju kuvałdu
Padčas ekskursii ŭ Pałac Niezaležnaści vychavancam vajskova-patryjatyčnaha centra śpiecpadrychtoŭki «Skif» z Rečycy i abłasnoha vajskova-patryjatyčnaha kłuba «Dobleść» vajskovaj čaści 3310 pakazali ekspanaty, raźmieščanyja ŭ kalidorach. Na fota, apublikavanym dziaržaŭnym infarmahienctvam BiełTA, Reform.by zaŭvažyŭ charakterny ekspanat.
31.05.2023 / 16:57
Na kalidornaj vystavie zaŭvažanaja kuvałda ŭ futlary ad skrypki, vielmi padobnaja da toj, jakuju nie tak daŭno muzieju PDV pry Rečyckaj rajonnaj himnazii padaryŭ kamandzir adnaho z atradaŭ PVK «Vahnier» Mikałaj Budźko.
Na kuvałdzie z vystavy ŭ Pałacy Niezaležnaści možna razabrać daroŭny nadpis, jaki pačynajecca słovami «Aleksandru Hrihoŕjeviču…». Što heta za ekspanat, u paviedamleńni infarmahienctva nie ŭdakładniajecca.
Kuvałda «Vahniera» stała simvałam vajennych złačynstvaŭ rasijskich vajskoŭcaŭ, joj «vahnieraŭcy» publična i biez suda karajuć tych, chto pierad imi praviniŭsia. Ale tyja hramadzianie i palityki, jakim takija mietady daspadoby, achvotna praktykujuć hłaryfikacyju hetaha instrumienta i va ŭłasnaj prapahandzie.
Čytajcie taksama:
Łukašenka na subotniku padaryŭ Azaronku kuvałdu
Na pachavańnie prapahandysta Tatarskaha «vahnieraŭcy» prynieśli kuvałdu