Makron ličyć, što cisk Zachadu na Łukašenku dastatkovy, ale jamu treba pakidać vychad
Prezident Francyi Emaniuel Makron ličyć, što krainy Zachadu pavinny praciahvać akazvać cisk na Biełaruś, praduchilajučy jaje niepasrednaje ŭstupleńnie ŭ vajnu z Ukrainaj, ale nie ŭzmacniać jaho, kab nie pazbaŭlać Łukašenku vyjścia. Pra heta jon zajaviŭ u sieradu, vystupajučy na mižnarodnaj kanfierencyi pa biaśpiecy Globsec u Bracisłavie.
31.05.2023 / 22:02
Emaniuel Makron. Fota: Alex Brandon / AP
«Ci dumaju ja, što my pavinny być bolš ahresiŭnyja ŭ dačynieńni da Biełarusi? Moj adkaz — nie. Ja dumaju, što dla nas było b pamyłkaj […] brać na siabie inicyjatyvu, raspaŭsiudžvajučy kanflikt na Biełaruś. My pavinny praciahvać akazvać na ich cisk, kab jany nie ŭstupali ŭ vajnu», — adznačyŭ francuzski lidar.
«Ja dumaju, što my pavinny abrać šmatbakovy padychod. Pa-pieršaje, dapamahać hramadzianskaj supolnaści […], pa-druhoje, prapanavać im pierśpiektyvy ŭ vypadku, kali jany buduć pravodzić pieravybary prezidenta.
Pa-treciaje, akazvać cisk na najaŭnuju administracyju Łukašenki, pry hetym prapanoŭvajučy mahčymaści vychadu ź situacyi, jakaja skłałasia. Kali vy abmiažoŭvajeciesia sankcyjami i nie dajacie mahčymaściaŭ vychadu, vy padšturchoŭvajecie ludziej da taho, kab jany pakidali ŭsio tak, jak jość», — miarkuje Makron.
Čytajcie taksama:
Voś jak pamianiałasia francuzskaje hramadstva. Toje samaje čakaje hramadstva biełaruskaje?
«Nazvaŭ Emaniuela słovam z čatyroch litar, pieršaja — «S». Borys Džonsan mocna vyłajaŭsia na Makrona
Makron prapanavaŭ novuju ideju dla pieramovaŭ Ukrainy i Rasii