U Lidskim RAUS pamior 37-hadovy paet
U Lidskim RAUS na vychadnych raptoŭna pamior 37-hadovy miascovy paet, udzielnik fiestyvalaŭ sučasnaha mastactva Dźmitryj Sarokin.
05.06.2023 / 12:40
Dźmitryj Sarokin. Fota: sacsietki
Pra heta napisaŭ u tvitary pravaabaronca Siarhiej Sys sa spasyłkaj na znajomaha pamierłaha. Hetuju infarmacyju pacvierdziła krynica «Miedyjazony».
Pryčyna, pa jakoj Dźmitryj Sarokin apynuŭsia ŭ RAUS, nieviadomaja. Adnak, jak raspavioŭ znajomy Dźmitryja, siłaviki zatrymlivali jaho raniej i zdymali ź im videa.
Pryčyna śmierci Dźmitryja nieviadomaja. Pachavańnie pryznačana na aŭtorak.
Dźmitryj pracavaŭ jak dyzajnier, markietołah, mastak-kanstruktar, mierčandajzier u roznych kampanijach. Jon skončyŭ Lidski techničny kaledž pa śpiecyjalnaści «technik-miechanik», a potym vučyŭsia ŭ Instytucie pradprymalnictva i parłamientaryzmu na dakumientaznaŭcu.