Украіна не будзе выкарыстоўваць знішчальнікі F-16 летам — Рэзнікаў
5.06.2023 / 12:57
Самалёты змогуць размясціць восенню ці зімой.
Знішчальнік F-16. Фота: Wikimedia Commons
Міністр абароны Украіны Аляксей Рэзнікаў заявіў, што падчас чаканага контрнаступу летам Кіеў не будзе выкарыстоўваць знішчальнікі F-16, самалёты змогуць размясціць восенню ці зімой. Пра гэта Рэзнікаў заявіў у інтэрв'ю NHK, піша «Украінская праўда».
На пытанне пра знішчальнікі F-16 Рэзнікаў адказаў, што яны не зменяць сітуацыю гэтым летам.
Міністр заявіў, што для падрыхтоўкі ўкраінскіх лётчыкаў патрэбны час, а Украіне неабходна таксама дамовіцца са сваімі партнёрамі аб наяўнасці інжынераў і тэхнічнага персаналу, якія змогуць займацца тэхабслугоўваннем і рамонтам гэтых самалётаў.
Паводле яго слоў, Украіна будзе гатовая размясціць F-16 восенню ці зімой.
Цяпер некаторыя краіны Захаду займаюцца падрыхтоўкай або прапаноўваюць падрыхтаваць украінскіх лётчыкаў для пілатавання гэтых знішчальнікаў.
Чытайце таксама:
На пастаўку знішчальнікаў F-16 ва Украіну сыдзе ў найлепшым выпадку некалькі месяцаў