Улады Украіны паведамілі пра запуск эвакуацыйных цягнікоў з Херсона
З-за частковага разбурэння плаціны Кахоўскай ГЭС ёсць пагроза затаплення 80 населеных пунктаў, паведаміў украінскі прэм'ер Шмыгаль.
06.06.2023 / 10:40
Херсон. Фота з Вікіпедыі
Для эвакуацыі жыхароў правага берага Херсона (знаходзіцца пад кантролем Кіева) сфармаваныя цягнікі ў Мікалаеў, паведаміў у тэлеграме прэм'ер-міністр Украіны Дзяніс Шмыгаль.
«Зараз праводзяцца эвакуацыйныя мерапрыемствы з мікрараёна Востраў у Херсоне. Сфармаваныя эвакуацыйныя цягнікі ў Мікалаеў», — напісаў ён.
Па словах Шмыгаля, з-за разбурэння плаціны Кахоўскай ГЭС ёсць пагроза затаплення 80 населеных пунктаў.
У эвакуацыі жыхароў Херсона і найбліжэйшых вёсак удзельнічае ўкраінскі чыгуначны аператар «Укрзалізныця».
Першы эвакуацыйны цягнік адправіцца з Херсона ў 12:00.
Чытайце таксама:
Расейцы ўзарвалі дамбу Кахоўскай ГЭС. Ідзе тэрміновая эвакуацыя
Вада бяжыць шырокім патокам: відэа з разбуранай расейцамі Кахоўскай ГЭС
«Ні вадой, ні ракетамі не спыніць Украіны». Зяленскі пракаментаваў падрыў дамбы Кахоўскай ГЭС