U Minsk lacić Patrušaŭ
Apošni raz jon byŭ u Minsku ŭ červieni 2021 hoda.
07.06.2023 / 07:26
Mikałaj Patrušaŭ. Fota: kremlin.ru
Sakratar Rady biaśpieki Rasii Mikałaj Patrušaŭ adpraŭlajecca z dvuchdzionnym vizitam u Minsk, piša TASS.
U sieradu jon voźmie ŭdzieł u rasijska-biełaruskich kansultacyjach pa linii radaŭ biaśpieki z udziełam ministerstvaŭ i viedamstvaŭ dźviuch krain. Taksama ŭ hety dzień u jaho adbuducca pieramovy ź dziaržsakratarom Rady biaśpieki Biełarusi Alaksandram Valfovičam.
U čaćvier Patrušaŭ voźmie ŭdzieł u pasiadžeńni Kamiteta sakrataroŭ radaŭ biaśpieki dziaržaŭ — siabroŭ Arhanizacyi Damovy ab kalektyŭnaj biaśpiecy (ADKB).
Apošni raz Patrušaŭ byŭ u Minsku ŭ červieni 2021 hoda. Tady jon razam z Valfovičam pravodziŭ kansultacyi pa biaśpiecy z udziełam aparataŭ radaŭ biaśpieki, niekalkich ministerstvaŭ i viedamstvaŭ dźviuch krain.