Алешкі пад вадой і сотні людзей на дахах. Як ратуюць людзей у затопленай Херсоншчыне
На левабярэжжы Херсоншчыны, якое знаходзіцца ў акупацыі, падтопленыя ці нават затопленыя дзясяткі вёсак і гарадоў. З-за падрыву дамбы Кахоўскай ГЭС узровень вады месцамі падняўся тут да чатырох метраў.
08.06.2023 / 12:31
Людзі на лодках спрабуюць выбрацца з затопленых тэрыторый, але вельмі многія з іх проста вымушаныя ўскараскацца на дахі дамоў і чакаць выратавання. Паводле ўкраінскіх уладаў, там ужо загінулі людзі, піша Бі-бі-сі.
Аэраразведчык з пазыўным «Санта» распавёў, як удалося выратаваць маму з двума дзецьмі з Алешак. Дрон аэраразведкі ўбачыў на затопленай тэрыторыі грамадзянскіх, якія аказаліся ў воднай пастцы на даху свайго дома.
«Трымацца. Без панікі. Эвакуацыя будзе. «Санта», — такую запіску разам з вадой даставіў людзям дрон памежніка. Пасля яго дрон забяспечваў суправаджэнне эвакуацыйнай каманды. Сям'ю эвакуявалі. Цяпер яны знаходзяцца ў бяспецы.
Таксама была выратаавана жанчына з двума дзецьмі.
Сям'я была на даху дома, акружанага вадой, калі іх заўважыў дрон украінскіх вайскоўцаў.
Спярша ім змаглі скінуць ваду з дрона — хлопец яе спрытна злавіў.
А потым знайшлі шляхі эвакуяваць сям'ю. Цяпер яны ў бяспечным месцы.
А ў Херсоне ратуюць кацянятаў, якія вельмі баяцца вады.
Эксперты яшчэ раней паказвалі, што плаціны на Дняпры будаваліся ў савецкія часы з разлікам на масіраваныя ракетныя ўдары, а таму Украіна не магла разбурыць дамбу некалькімі ракетамі.
А зафіксаваныя на відэа пашкоджанні паказваюць, што падрыў ажыццявілі, заклаўшы вялікую колькасць магутнай выбухоўкі знутры збудаванняў станцыі, у прыватнасці ў машыннай зале.
Чытайце таксама: