Ukraincy ŭdaryli Storm Shadow pa punktach raźmiaščeńnia ŭ Krymie
10.06.2023 / 9:54
Ukrainskija siły ranicaj 10 červienia nanieśli ŭdary pa punktach časovaha raźmiaščeńnia na Arabackaj strełcy, viadoma pra zahinułuju žančynu, zajaviŭ v. a. kiraŭnika akupacyjnaj administracyi Chiersonskaj vobłaści Uładzimir Salda.
Fota: telehram-kanał Uładzimira Salda
Pavodle papiarednich źviestak, udary nanosilisia rakietami Storm Shadow, jakija pastaŭlajucca Kijevu Łondanam, napisaŭ jon u telehram-kanale.
Akramia taho, u vyniku načnych abstrełaŭ kurortnaha siała Žalezny Port razburany hatel «Pazityŭ», dadaŭ Salda.
Jon taksama apublikavaŭ nastupstvy abstrełu.
Arabackaja strełka, vuzkaja i doŭhaja pałasa ziamli z vostravam Kračyna, jaki prymykaje da jaje, raźmieščana ŭ paŭnočna-ŭschodniaj častcy Krymskaha paŭvostrava.
Vialikabrytanija paćvierdziła pieradaču Ukrainie rakiet Storm Shadow u siaredzinie maja. Z taho času ŭłady «ŁNR», «DNR», Zaparožskaj i Chiersonskaj abłaściej nie raz paviedamlali pra ŭdary z vykarystańniem takich bojeprypasaŭ.
Čytajcie taksama:
Rakiety Storm Shadow zmusiać Čarnamorski fłot pakinuć Sievastopal?
Vialikabrytanija pastaviła Ukrainie rakiety dalokaściu 250 km. Heta mianiaje pole boju