Cichanoŭskaja ŭručyła ŭznaharody svajakam biełaruskich vajaroŭ, što zahinuli va Ukrainie
9 červienia Śviatłana Cichanoŭskaja naviedała vystavu ŭ Siejmie Litvy, pryśviečanuju pamiaci biełarusaŭ, jakija zmahalisia i zahinuli va Ukrainie. Tam jana ad imia Abjadnanaha pierachodnaha kabinieta ŭručyła svajakam zahinułych miedali «Honar i hodnaść», paviedamiła pres-słužba Śviatłany Cichanoŭskaj.
10.06.2023 / 18:28
Miedali atrymali svajaki biełaruskich hierojaŭ Mirasłava Łazoŭskaha (Myš), Vasila Parfiankova (Siabro), Ivana Marčuka (Brest), Źmitra Rubašeŭskaha (Hans) i Paŭła Susłava (Vołat).
«Za prava naroda vyrašać svoj los zmahajecca Ukraina. I za hetaje prava dla Ukrainy i Biełarusi zmahajucca biełarusy, jakija vajuiuć u składzie pałka Kalinoŭskaha, Biełaruskaha dobraachvotnickaha korpusa i inšych padraździaleńniaŭ ukrainskaj armii. Hetyja mužnyja ludzi baroniać nie tolki Ukrainu, nie tolki Biełaruś, jany baroniać honar i hodnaść našaj nacyi», — skazała Cichanoŭskaja.
Čytajcie taksama:
Pra što kalinoŭcy havaryli sa Śviatłanaj Cichanoŭskaj?
Kiraŭniki Pałka Kalinoŭskaha pahavaryli sa Śviatłanaj Cichanoŭskaj i «danieśli svaju pazicyju»