Ukrainskaja armija atakuje na čatyroch kirunkach — ISW
10 červienia ŭkrainskija siły viali kontrnastupalnyja apieracyi jak minimum na čatyroch učastkach frontu, jak piša BBC sa spasyłkaju na zvodku amierykanskaha Instytuta vyvučeńnia vajny (ISW).
11.06.2023 / 08:08
Rasijskija krynicy paviedamlali pra aktyŭnaść ukraincaŭ u Łuhanskaj vobłaści ŭ rajonie Biełahoraŭki.
Aficyjny pradstaŭnik Uschodniaj hrupy vojskaŭ USU pałkoŭnik Siarhiej Čaravaty adznačyŭ, što ŭkrainskija vojski prasunulisia na 1400 mietraŭ na niavyznačanych učastkach bachmuckaha frontu, a rasijskija błohiery paviedamili pra nastup ukrainskich vojskaŭ na paŭnočny zachad i paŭnočny ŭschod ad Bachmuta.
Ministerstva abarony Rasii i inšyja rasijskija krynicy śćviardžali, što ŭkrainskija vojski pravodzili łakalnyja ataki ŭ rajonie miažy Danieckaj i Zaparožskaj abłaściej, u pryvatnaści ŭ rajonie Vialikaj Navasiołki.
Hieałakacyjnyja kadry, apublikavanyja 10 červienia, pakazvajuć na toje, što ŭkrainskija siły ŭ zachodniaj častcy Zaparožskaj vobłaści damahlisia łakalnych pośpiechaŭ padčas napadaŭ na paŭdniovy zachad i paŭdniovy ŭschod ad Arechava, choć rasijskija błohiery praciahvajuć śćviardžać, što rasijskija siły ŭ hetym rajonie paśpiachova abaraniajucca ad sprobaŭ ukrainskaha nastupu, jak piša ISW.
Čytajcie taksama:
Zialenski paćvierdziŭ, što Ukraina pačała kontrnastupleńnie
Ukraincy ŭdaryli Storm Shadow pa punktach raźmiaščeńnia ŭ Krymie