«ПВК «Вагнер» не будзе падпісваць ніякіх кантрактаў з Шайгу». Прыгожын адказаў Мінабароны РФ
Заснавальнік ПВК «Вагнер» Яўген Прыгожын адказаў на загад Мінабароны РФ пра тое, што ўсе «добраахвотніцкія атрады» мусяць падпісаць кантракт з Мінабароны да 1 ліпеня.
11.06.2023 / 13:54
Яўген Прыгожын. Скрын відэа
«ПВК «Вагнер» не будзе падпісваць ніякіх кантрактаў з Шайгу», — гаворыцца ў адказе Прыгожына.
Ён дадае, што ПВК «Вагнер»»мае найглыбейшы вопыт і з'яўляецца высокаэфектыўнай структурай».
«На жаль, такой эфектыўнасцю большасць вайсковых частак не валодае і менавіта праз тое, што Шайгу не можа нармальна кіраваць вайсковымі фармаваннямі.
Таму тое, што ён напіша ўказы або загады, гэта распаўсюджваецца выключна на Міністэрства абароны і на тых, хто знаходзіцца ў рамках Міністэрства абароны. Тое, што можа здарыцца пасля гэтага загаду — нам не будуць даваць ўзбраенне і боепрыпасы — разбярэмся, як той казаў, калі гром грымне, прыбягуць і прынясуць ўзбраенне і боепрыпасы з просьбай «дапамажыце», — гаворыць Прыгожын.
Таксама ён дадае, што ПВК «Вагнер» узгадняе ўсе свае дзеянні і выконвае задачы, пастаўленыя генералам арміі Суравікіным.
Указ Мінабароны РФ падпісаны на фоне працяглага канфлікту заснавальніка ПВК Яўгена Прыгожына з ваенным кіраўніцтвам Расіі.
Чытайце таксама:
«Пачвары смярдзючыя, вы што робіце?» Прыгожын накінуўся на Мінабароны Расіі