Ukraina atakavała marskimi bieśpiłotnikami rasijski karabiel «Pryazoŭje» — Minabarony RF
Ministerstva abarony Rasii zajaviła, što ŭ noč na niadzielu ŭzbrojenyja siły Ukrainy atakavali bieśpiłotnymi katarami karabiel Čarnamorskaha fłotu «Pryazoŭje», jaki zabiaśpiečvaŭ biaśpieku ŭ rajonie hazapravodaŭ «Turecki patok» i «Błakitny patok».
11.06.2023 / 15:14
Pa śćviardžeńni rasijskich vajskoŭcaŭ, u napadzie prymali ŭdzieł šeść bajavych kataraŭ.
«Padčas adbićcia ataki ŭsie katary byli źniščanyja ahniom sa štatnaha ŭzbrajeńnia rasijskaha karabla za 300 kiłamietraŭ na paŭdniovy ŭschod ad Sievastopala. Paciarpiełych niama. Karabiel paškodžańniaŭ nie atrymaŭ», — havorycca ŭ paviedamleńni Minabarony RF.
Ukrainski bok infarmacyju pra napad na karabiel «Pryazoŭje» pakul nie kamientavaŭ.
24 maja Minabarony RF zajaviła, što karabiel «Ivan Churs» atakavali marskija bieśpiłotniki.