Hramadstva

U Śvietłahorsku zatrymana vosiem supracoŭnikaŭ telekanała «Ranak»

abnoŭlena

Pavodle infarmacyi pravaabaroncaŭ, zatrymańniem kiravaŭ homielski HUBAZiK. Supracoŭnikaŭ telekanała siońnia buduć sudzić pavodle art. 19.11 KaAP (raspaŭsiud ekstremisckich materyjałaŭ).

U Śvietłahorsku zatrymana vosiem supracoŭnikaŭ telekanała «Ranak», siarod jakich Andrej Lipski, Pavieł Rabko, Maryna Byčkoŭskaja, Kryścina (proźvišča nieviadomaje) i jašče adna maładaja žančyna, imia jakoj taksama nieviadoma, — jaje adpuścili, bo jana ciažarnaja, paviedamlajuć homielskija pravaabaroncy. 

Kiraŭnika telekanała vyklikali ŭ rajvykankam.

Raniej paviedamlałasia pra piaciarych zatrymanych. 

Dakładnaja pryčyna zatrymańniaŭ nieviadomaja. Pavodle słoŭ krynicy, supracoŭnikaŭ telekanała zatrymali za padpiski na supołku «Śvietlik. Śvietłahorsk» u «Adnakłaśnikach» (nie ŭniesiena ŭ śpis «ekstremisckich»).

Sapraŭdnaj pryčynaj zatrymańnia moh stać siužet pra vybuch na Śvietłahorskim CKK, u jakim zahinuła try čałavieki. 

Kamientary da artykuła