Doktar Kamaroŭski vykazaŭ zdahadki, kolki zastałosia Pucinu i Łukašenku i ad čaho jany mohuć pamierci
Usio čaściej u miedyjnaj prastory źjaŭlajecca infarmacyja ab vielmi surjoznych chvarobach Uładzimira Pucina i Alaksandra Łukašenki. Doktar Jaŭhien Kamaroŭski nie raić zanadta spadziavacca na ich chutki bijałahičny kaniec. Pra heta Kamaroŭski raspavioŭ «24 Kanału».
12.06.2023 / 14:07
Alaksandr Łukašenka i Uładzimir Pucin u Sočy, 9 červienia 2023 hoda. Fota: kremlin.ru
Kamaroŭski zaznačaje, što sučasnaja miedycyna dazvolić Pucinu «pić kroŭ» ukraincaŭ jašče niekalki hadoŭ.
«Pucinu moža ŭkaracić žyćcio jaho asiaroddzie, tamu što jon užo ŭsich dastaŭ. I heta moža adbycca chutčej, čym jaho zabjuć niejkija rakavyja kletki abo tromb. Usiamu śvietu, chutčej za ŭsio, skažuć, što heta tromb. Ale prybiaruć jaho, chutčej za ŭsio, svaje», — vykazaŭ mierkavańnie doktar.
«Hetak ža lepšymi dasiahnieńniami sučasnaj miedycyny moža karystacca i biełaruski dyktatar Alaksandr Łukašenka. Adnak miedycyna nie ŭsiomahutnaja. Miarkujučy pa vonkavym vyhladzie Łukašenki, jon, mahčyma, schilny da sasudzistaj katastrofy. Heta vostryja chvaroby kštałtu tromba, insultu, infarktu», — miarkuje Kamaroŭski.
Mienavita takija chvaroby, pavodle viadomaha doktara, mohuć «dahnać» Łukašenku.
U toj ža čas Pucin šmat hadoŭ nie ŭžyvaje ałkaholu, nie kuryć, zajmajecca sportam i atačyŭ siabie na ŭzroŭni fanatyzmu samymi krutymi lekarami.
«Mienavita tamu jość mienšaja imaviernaść, što ŭ Pucina mohuć być takija zachvorvańni, jak u Łukašenki», — adznačyŭ doktar.
Nahadajem, što na paradzie 9 maja ŭ Maskvie Łukašenka vyhladaŭ vielmi stomlenym i źniasilenym. Taksama ŭ jaho była pierabintavanaja ruka, jak zvyčajna paśla ŭstanoŭki katetara.
Aficyjnaja viersija — Łukašenka chvareŭ na adenavirus. U kancy maja jon sam prakamientavaŭ svajo samaadčuvańnie, zajaviŭšy, što «nie źbirajecca pamirać».
Čytajcie taksama:
Jak pamiraŭ vieniesuelski siabar Łukašenki Uha Čavies
«Nie kryŭdzicie jaho prosta biez pryčyny». Niaviestka Łukašenki pryśviaciła jamu novuju pieśniu
Navošta Pucinu chirurh-ankołah? Vyjšła rasśledavańnie pra zdaroŭje prezidenta Rasii
Bunkierny dzied. Vyjšła rasśledavańnie pra padziemnyja schoviščy Pucina