U Rasiju źbirajecca pryjści EBLAN z Kitaja
Kali što, heta aficyjnaja nazva kitajskaha brenda adzieńnia.
12.06.2023 / 22:21
Fota: NBS24
Kitajski brend adzieńnia ź nieadnaznačnaj nazvaj EBLAN vyrašyŭ upieršyniu vyjści na rasijski rynak. Pra heta 12 červienia napisała vydańnie «Vostok. Miedia».
Pavodle infarmacyi vydańnia, brend užo pačaŭ rychtavać adhruzku tavaraŭ na rasijskija pryłaŭki, a sami pijar-mieniedžary kitajskaj kampanii ličać, što ich pradukcyja budzie mieć vialiki pośpiech siarod pakupnikoŭ.
Adnak nie ŭsio tak prosta, jak padajecca.
«Rasijskaja cenzura naŭrad ci prapuścić kramu z padobnymi šyldami. Tamu kitajskamu brendu adzieńnia daviadziecca staranna padumać nad svajoj nazvaj i słohanam, kab u rasijskaha boku nie ŭźnikała da jaho pytańniaŭ», — piša vydańnie «Vostok. Miedia».
Charakterna, što padobnyja nazvy ŭ kitajskich brendaŭ nie jość čymści vyklučnym. Naprykład, u samim Kitai i inšych krainach možna sustreć takija kitajskija kampanii, jak krama kaśmietyki O HUI, kramy žanočaj bializny Dai Hui i Eblin i hetak dalej.
Čytajcie taksama:
Restaran u Japonii padaŭ u sud na naviedvalnika za ablizvańnie čužych talerak