U Kryvym Rohu rakieta trapiła ŭ šmatpaviarchovik, jość zahinułyja
Idzie 475-ty dzień poŭnamaštabnaj vajny. Ukraina čarhovy raz była abstralanaja rakietami.
13.06.2023 / 06:27
Rakieta ŭ Kryvym Rozie trapiła ŭ šmatpaviarchovik. Fota z telehram-kanała Siarhieja Łysaka.
Nočču 13 červienia ŭ Kryvym Rohu rasiejcy patrapili ŭ 5-paviarchovy dom, jość zahinułyja i paciarpiełyja.
«Pracujuć usie ekstrannyja słužby, zakančvajecca tušeńnie pažaraŭ. Chutkaja akazvaje dapamohu, jość paciarpiełyja ŭ vielmi ciažkim stanie, vierahodna jość ludzi pad zavałami», — napisaŭ kiraŭnik haradskoj vajennaj administracyi Alaksandr Viłkuł.
Taksama ŭnačy rasiejcy atakavali Kijeŭ kryłatymi rakietami Ch-101/555, SPA źniščyła ŭsie varožyja mety, paviedamiŭ načalnik Kijeŭskaj haradskoj vajennaj administracyi Siarhiej Papko.
Papiarednie, dla napadu na Kijeŭ praciŭnik užyŭ kryłatyja rakiety Ch-101/555, tradycyjna vypuščanyja stratehičnymi bambardziroŭščykami Tu-95MS z rajona Kaśpijskaha mora
Papko adznačyŭ, što ŭsie varožyja siły ŭ pavietranaj prastory vakoł Kijeva byli vyjaŭlenyja i paśpiachova źniščanyja siłami i srodkami supraćpavietranaj abarony, piša «Ukrainskaja praŭda».
Infarmacyja ab achviarach abo razbureńniach pakul nie pastupała.
Abstralany «Šachiedami» byŭ taksama Charkaŭ.