Ukrainski kontrnastup: vyzvalena ŭžo siem nasielenych punktaŭ — Minabarony
U cełym prasoŭvańnie vojskaŭ ukrainskaj nastupalnaj hrupoŭki skłała 6,5 km, a płošča terytoryi, uziataj pad kantrol, — 90 kvadratnych kiłamietraŭ.
13.06.2023 / 06:58
Fota: USU
Za minuły tydzień u chodzie praviadzieńnia nastupalnaj apieracyi ŭ Danieckim i Taŭryčaskim apieratyŭnych rajonach było vyzvalena siem nasielenych punktaŭ. Pra heta paviedamiła ŭ telehramie namieśnica ministra abarony Ukrainy Hanna Malar.
Pavodle jaje słoŭ, siły abarony ŭžo vyzvalili Łabkovaje, Lavadnaje, Navadaraŭku, Niaskučnaje, Staražavoje, Makaraŭku i Błahadatnaje.
Malar dadała, što ŭ cełym prasoŭvańnie vojskaŭ nastupalnaj hrupoŭki skłała 6,5 km, a płošča terytoryi, uziataj pad kantrol, — 90 kv. km.
11 červienia USU paviedamili ab vyzvaleńni Błahadatnaha i Makaraŭki, jakija taksama znachodziacca ŭ Danieckaj vobłaści.
Čytajcie taksama:
U Kryvym Rohu rakieta trapiła ŭ šmatpaviarchovik, jość zahinułyja
Ukraincy pad Zaparožžam u dvuch miescach prarvali pieršuju liniju abarony rasijan