Украінскія воіны паказалі кадры з вызваленай Макараўкі ў Данецкай вобласці
Абаронцы паведамляюць, што частка ворага была знішчана, частка ўзятая ў палон, а частка збегла.
13.06.2023 / 11:52
Воіны 35-й асобнай украінскай брыгады марской пяхоты паказалі кадры з вызваленай Макараўкі ў Данецкай вобласці.
«Населены пункт Макараўка ў Данецкай вобласці вызвалены. Адэскія марскія пехацінцы працягваюць гнаць акупантаў з украінскай зямлі. Гэтым разам вайскоўцы знаходзіліся ў авангардзе вызвалення вёскі Макараўка Данецкай вобласці».
Абаронцы паведамляюць, што частка асабістага складу ворага была знішчана, частка ўзятая ў палон, частка збегла.
Чытайце таксама:
Украінскі контрнаступ: вызвалена ўжо сем населеных пунктаў — Мінабароны