У Кіеве аблілі зялёнкай і кінулі ў сметніцу дэпутата, які абразіў дзяўчыну загінулага Героя Украіны
У аўторак у Кіеве аблілі невядомай вадкасцю з бутэлькі, зялёнкай і кінулі ў памыйніцу экс-нардэпа Тараса Чарнавіла за тое, што ён назваў ваярку Аліну Міхайлаву «падалігархічнай ш*арай», піша «Украінская праўда».
13.06.2023 / 15:44
Фота: УНІАН
Чарнавілу патлумачылі, што ён абразіў жанчыну, якая цяпер ваюе ў Бахмуце.
У адказ Чарнавіл адказаў, што нікога не абражаў і тэлефануе праваахоўнікам, каб заявіць, што на яго напалі.
Урэшце яго аблілі зялёнкай, невядомым рэчывам з бутэлькі і кінулі ў памыйніцу.
Чарнавіл — сын выбітнага нябожчыка ўкраінскага дзеяча Вячаслава Чарнавіла. У 2004 годзе ён быў кіраўніком штаба Віктара Януковіча.
29 мая Тарас Чарнавіл апублікаваў у сваім тэлеграм-канале фрагмент інтэрв'ю Міхайлавай журналістцы Яніне Сакаловай, дзе заявіў, што «зялёна-ватных мразот» запрашаюць на перадачы, а «сумленным людзям» і слова не даюць сказаць.
Аліна Міхайлава — кіраўнік медыцынскай службы батальёна «Ваўкі да Вінчы», дзяўчына героя Украіны Дмытра Кацюбайлы з пазыўным «Да Вінчы», камандзіра батальёна «Ваўкі Да Вінчы», які загінуў у сакавіку ў баях пад Бахмутам.
Чытайце таксама:
Галоўнакамандуючы ўкраінскай арміяй стаў на калені перад каханай загінулага героя ФОТА