Лукашэнка заявіў пра 150 тысяч забітых і параненых за час контрнаступу, Мінабароны РФ назвала лічбы ў 20 разоў меншыя. Рэальныя будуць яшчэ меншыя
Аляксандр Лукашэнка ўчора даў інтэрв’ю расійскай прапагандыстцы Вользе Скабеевай. Сярод іншага ён назваў сваю версію страт УСУ падчас контрнаступу. У гэты ж час Мінабароны РФ назвала сваю лічбу.
14.06.2023 / 15:32
Украінскія вайскоўцы пад Бахмутам. Фота: Libkos, File / AP Photo
«Контрнаступ [УСУ] 4-га, 5-га чысла пачаўся. Вы нават не заўважылі, мы назіраем, што там адбываецца. Дык вось, за гэты час украінцаў загінула каля 40 тысяч. Загінула. І больш за 100 не вернуцца: параненыя. Разумееце, амаль 120-150 тысяч.
І «Брэдлі» гараць, «Леапарды» гараць, як нашы савецкія танкі. Але расіяне навучыліся ваяваць. Контрнаступленне ідзе, кулак ідзе — 30-50 танкаў, людзі ідуць тысячамі, і яны не даходзяць нават да пярэдняга краю расійскага», — падзяліўся сваім бачаннем падзей Лукашэнка.
У гэты ж час Мінабароны РФ агучыла свае лічбы.
«З 4 чэрвеня ўкраінскія Узброеныя сілы страцілі толькі на лініі баявога судакранання каля 7,5 тысячы чалавек забітымі і параненымі,
не лічачы загінулых вайскоўцаў у выніку прымянення расійскай высокадакладнай зброі вялікай далёкасці і авіяцыі ў глыбіні ўкраінскай тэрыторыі», — цытуюць інфармацыю Мінабароны РФ расійскія медыя.
То-бок лічбы ў Лукашэнкі і Мінабароны РФ адрозніваюцца ў 20 разоў.
Можна меркаваць, што Мінабароны Расіі значна завышае памер страт праціўніка. Так, яно заяўляе пра знішчэнне авіяцыі і СПА Украіны яшчэ ў першыя дні вайны, а таксама называла лічбу знішчаных «Хаймарсаў» большую, чым колькасць пастаўленых Украіне.
Чытайце таксама:
Байдэн: Расія страціла ў Бахмуце каля ста тысяч чалавек
Групоўка Вагнера страціла ва Украіне больш за 30 тысяч чалавек забітымі і параненымі — CNN