Dačka Cichanoŭskich źbiraje hrošy na tank, kab «vyzvalić tatu»
Śviatłana Cichanoŭskaja na fiestyvali «Jadnajsia» ŭ Varšavie raskazała pra svaju siamiejnuju situacyju ŭ suviazi z tym, što jana nie tolki palityčny lidar, ale i žonka palitviaźnia dy maci jahonych dziaciej.
14.06.2023 / 17:07
Jaje słovy pryvodzić «Jeŭraradyjo».
«U mianie ŭnikalnaja situacyja, tamu što vielmi redka akcentujuć uvahu na tym, što ja žonka palitviaźnia. Časta pra heta zabyvajucca. I ty nikoli sabie nie dazvalaješ stać słabaj i skazać, što tabie taksama baluča. Što tabie davodzicca razmaŭlać z mamaj Siarhieja, razmaŭlać sa svaimi dziećmi.
Dačka padčas našych redkich sustreč płača, kaža, što źbiraje ŭ skarbonku hrošy na tank, kab iści tatu vyzvalać z turmy. U starejšaha dziciaci pierachodny ŭzrost, jamu patrebny baćka. Maci Siarhieja ŭ ciažkim stanie ŭ Homieli», — padzialiłasia Śviatłana Cichanoŭskaja asabistym.
Čytajcie taksama:
Ci moh być Cichanoŭski prajektam Kramla? Razvažaje błohier Kabanaŭ