U Mahilovie zatrymali papularnaha strymiera ARTIKZA
Jak stała viadoma Mayday Team, mahiloŭskaja milicyja kala tydnia tamu zatrymała hulniavoha strymiera i błohiera Arcioma Hałavača aka ARTIKZA, jaki maje bolš za 250 tysiač padpisantaŭ u Youtube i kala 10 tysiač — u Telegram.
14.06.2023 / 21:55
Małady čałaviek raźmiaściŭ videa, dzie paklikaŭ svaich fanataŭ na fan-sustreču ŭ centry Mahilova 3 červienia. Adnak fan-sustrečy nie adbyłosia: videa było vydalenaje, a śviedki paviedamili, što Hałavača zabrali siłaviki.
U svaim apošnim videa ŭ TikTok błohier paprasiŭ prabačeńnia i koratka paviedamiŭ, što «pa peŭnych pryčynach sustreča admianiajecca», chacia na jaje ŭžo pryjšli niekatoryja ludzi.
U dačynieńni da błohiera raspačali administracyjny praces pa art. 24.23 KaAP (Niesankcyjanavanaje pikietavańnie). Papiarednie Arciom atrymaŭ 15 sutak aryštu.
Čytajcie taksama:
Uładalnicy ahrasiadziby «Stuły» dali 15 sutak
Dačka Cichanoŭskich źbiraje hrošy na tank, kab «vyzvalić tatu»