Выступ Беёнсэ ў Швецыі справакаваў рост інфляцыі ў краіне
Выраслі цэны на паслугі, гатэлі і рэстараны.
15.06.2023 / 07:41
Беёнсэ. Фота: AP
Амерыканская спявачка Беёнсэ справакавала рост інфляцыі ў Швецыі, пачаўшы са Стакгольма сваё сусветнае турнэ.
Паводле звестак статыстычнага ўпраўлення Швецыі, з красавіка да мая ўзровень інфляцыі ў краіне склаў 0,3 адсоткавыя пункты.
Галоўны эканаміст Danske Bank Майкл Гран запэўніў журналістаў, што павышэнне цэн было часткова звязана з узрослым попытам на «шырокі набор тавараў і паслуг, напрыклад, наведванне гатэляў і рэстаранаў» і на «рэкрэацыйныя паслугі», уключаючы квіткі на канцэрты, піша Politico.
«Пачатак сусветнага турнэ Беёнсэ ў Швецыі, падобна, паўплывала на майскую інфляцыю. Наколькі — невядома, але, верагодна, гэта 0,2 працэнтныя пункты з 0,3, якія дадалі гатэлі і рэстараны. Мы чакаем, што ў чэрвені гэты нечаканы рост адкаціцца назад, паколькі цэны на гатэлі і квіткі вернуцца да нормы», — сказаў Гран.
Сёння американская спявачка выступіць у Кёльне, а 27 і 28 чэрвеня яна дасць два грандыёзныя канцэрты на Нацыянальным стадыёне ў Варшаве. У раскладзе пазначана, што змяшчальнасць стадыёна — 72 тысячы чалавек.
Чытайце таксама:
Фінскаму ўдзельніку «Еўрабачання» далі на год бясплатна карыстацца кватэрай
Пол Мак-Картні запісаў «апошнюю песню Бітлз». Прычым зрабіў гэта з дапамогай штучнага інтэлекту