Piśmieńnik, eks-ministr adznačaje jubilej
Dziaržaŭny i hramadski dziejač, dypłamat, piśmieńnik Anatol Butevič adznačaje siońnia svajo 75-hoddzie.
15.06.2023 / 09:33
Anatol Butevič
Uradženiec Niaśvižčyny Anatol Butevič byŭ redaktaram Biełaruskaha telehrafnaha ahienctva, namieśnikam redaktara haziety «Čyrvonaja źmiena», dyrektaram vydaviectva «Mastackaja litaratura», ministram infarmacyi (1992—1994) i ministram kultury i druku Respubliki Biełaruś (1994—1996).
Jon šmathadovy siabra Nacyjanalnaj kamisii pa spravach JUNIESKA, Biełaruskaj navukova-mietadyčnaj rady pa achovie historyka-kulturnaj spadčyny pry Ministerstvie kultury, stvaralnik i staršynia hramadskaj naziralnaj kamisii pa achovie historyka-kulturnaj spadčyny, šmathadovy namieśnik staršyni Biełaruskaha fondu kultury, niefarmalny siabra redkalehij «Krajaznaŭčaj haziety», časopisa «Viasiołka»; hramadskich inicyjatyŭ «Daroha da śviatyniaŭ». Ën šmat zrabiŭ dla restaŭracyi i muziejafikacyi Niaśvižskaha i Navahrudskaha zamkaŭ, źbiraŭ srodki na restaŭracyju carkvy na svajoj małoj radzimie ŭ vioscy Lipa Niaśvižskaha rajona i Nacyjanalnaha sanktuaryja Maci Božaj Budsłaŭskaj.