Ełtan Džon zarobić 1 miljard dalaraŭ za čas raźvitalnaha turu. Heta absalutny rekord
Brytanski rok-vykanaŭca Ełtan Džon užo vyručyŭ rekordnyja 887 miljonaŭ dalaraŭ za svajo raźvitalnaje hastrolnaje padarožža Farewell Yellow Brick Road Tour.
15.06.2023 / 09:49
Ełtan Džon śpiavaje pierad šmattysiačnaj aŭdytoryjaj na O2-arenie ŭ Łondanie. Fota ź jaho instahrama
Śpiecyjalisty pradkazvajuć zboram turu pieraadoleńnie adznaki ŭ miljard dalaraŭ, pakolki apošni kancert śpievaka projdzie tolki 8 lipienia.
Farewell Yellow Brick Road Tour staŭ samym kasavym turam u historyi jašče ŭ studzieni. Tady Ełtan Džon vyručyŭ 817,9 miljona dalaraŭ za 278 šou. Pavodle novych źviestak Billboard Boxscore, ciapier miehazorka atrymała 887 miljonaŭ dalaraŭ za 5,7 miljona kvitkoŭ na 309 kancerty ŭ pieryjad da 30 maja.
Papiaredni kasavy rekord naležaŭ inšamu brytanskamu artystu Edu Šyranu. Dachody ad The Divide Tour, u jakim śpiavak znachodziŭsia z sakavika 2017-ha da žniŭnia 2019-ha, acanili ŭ 776,4 miljona dalaraŭ.
U červieni 2010 hoda ser Ełtan Džon pryjazdžaŭ u Minsk.
Čytajcie taksama:
Vystup Biejonse ŭ Šviecyi spravakavaŭ rost inflacyi ŭ krainie