«Ja adčuvała, što ŭsie nienavidziać mianie praz maju krainu». Na pačatku vajny Sabalenka chacieła zaviaršyć karjeru praz chejt
Druhaja rakietka śvietu biełaruska Aryna Sabalenka chacieła zaviaršyć prafiesijnuju karjeru praź nianaviść da biełaruskich i rasijskich hulcoŭ, a taksama praz pahrozy, jakija pačali pastupać paśla pačatku vajny. Pra heta jana raskazała ŭ epizodzie sieryjała «Brejk-pojnt» na Netflix.
15.06.2023 / 14:01
Aryna Sabalenka. Kadr ź sieryjała «Brejk-pojnt»
«Usie pačali kazać: «Vy pavinny adchilić usich hulcoŭ z Rasii i Biełarusi». Ja padumała, što ŭsie hladziać na mianie dziŭna, razumiejecie?
Ja adčuvała, što ŭsie nienavidziać mianie praz maju krainu. Paśla matču ja adkryła Instagram, i pieršaje, što vyskačyła, było niešta nakštałt «Ty, čort vaźmi, pamreš» ci «Tabie lepš pamierci, zyču, kab usia tvaja siamja pamierła ad raku» i bła-bła-bła. Ja bačyła hetyja paviedamleńni i adčuvała, što bolš nie mahu z hetym ładzić. Heta ŭžo zanadta», — skazała ŭ sieryjale Sabalenka.
Paśla hetych słoŭ Sabalenka raspłakałasia i pačała havaryć sa svajoj kamandaj pa-rusku, skazaŭšy, što choča pierastać hulać u tenis.
Raniej Mižnarodnaja fiederacyja tenisa (ITF) prypyniła členstva Fiederacyi tenisa Biełarusi i Fiederacyi tenisa Rasii praz vajnu va Ukrainie. Rasijanie i biełarusy dapuskajucca na turniry Asacyjacyi tenisistaŭ-prafiesijanałaŭ (ATP) i Žanočaj tenisnaj asacyjacyi (WTA) u niejtralnym statusie.
6 červienia Sabalenka ŭpieršyniu zajaviła, što jana suprać vajny, nie padtrymlivaje Łukašenku i nie choča, kab jaje kraina była ŭciahnutaja ŭ bajavyja dziejańni.
Čytajcie taksama:
Nie vytrymała cisku? Čamu Sabalenka pryznałasia, što nie padtrymlivaje vajnu