Polšča ŭ 2022 hodzie pryniała 70 tysiač biełarusaŭ
Polšča ŭ 2022 hodzie pryniała kala 70 tysiač hramadzian Biełarusi. Takija źviestki ŭ Siejmie pryvioŭ namieśnik ministra ŭnutranych spraŭ i administracyi krainy Maciej Vonsik.
15.06.2023 / 14:11
Fota: «Naša Niva»
«Tolki letaś prytułak na padstavie humanitarnaj vizy abo mižnarodnaj abarony atrymali kala 70 tysiač hramadzian Biełarusi, jakija nie chacieli žyć pry režymie Łukašenki», — cytuje słovy Vonsika Reform.by.
U pačatku hetaha hoda paviedamlałasia, što ŭnioski ŭ fond sacyjalnaha strachavańnia ŭ Polščy płacili 105,9 tysiačy hramadzian Biełarusi. U listapadzie 2022 hoda paviedamlałasia, što ŭ krainie pražyvali 68 684 hramadzianie Biełarusi, što majuć sapraŭdny dakumient, jaki vydadzieny ŭ Polščy i jaki daje prava na znachodžańnie na terytoryi krainy.
Vonsik taksama raskazaŭ pra sankcyi, uviedzienyja ŭ dačynieńni da biełaruskich uładaŭ. Pavodle jaho słoŭ, u sankcyjnym śpisie znachodziacca 377 fizičnych i 62 jurydyčnyja asoby, u tym liku sankcyi nakładzienyja na ŭsich deputataŭ, 76 sudździaŭ, siemiarych prakuroraŭ, pradstaŭnikoŭ administracyi, słužačych, adkaznych za arhanizacyju mihracyjnaha kryzisu na miažy z Polščaj.
«My ŭviali ekanamičnyja sankcyi. Heta zakryćcio pamiežnych pierachodaŭ u Padlaskim vajavodstvie: dva pierachody ź Biełaruśsiu z troch byli začynienyja. Taksama ŭviedzienaja zabarona na ŭjezd hruzavych aŭtamabilaŭ i pryčepaŭ ź biełaruskaj rehistracyjaj», — dadaŭ jon.
Čytajcie taksama:
Ekanamisty raspaviali, kolki biełarusaŭ pierabrałasia ŭ apošnija hady ŭ ES
Chvala emihracyi ŭ 2021—2023 hadach — samaja vialikaja ŭ historyi Biełarusi. Ličby
Danyja novaha daśledavańnia pa biełarusach u Litvie — niečakanyja vysnovy