Maks Korž paśla hadavoha pierapynku praviadzie kancert u Ryzie
Biełaruski śpiavak Maks Korž viartajecca da kancertnaj dziejnaści. Na 29 lipienia jon anansavaŭ kancert u Ryzie.
17.06.2023 / 18:07
«Dumaju, pryjšoŭ čas nam z vami pabačycca, choć by na adzin kancert. Jość dzikaja patreba skinuć usio, što ŭ nas nazapasiłasia.
My pieranosim kancert na futbolny stadyjon «Daŭhava», kab źmiaścić pabolš ludziej. Staryja kvitki sapraŭdnyja. Da sustrečy! Start prodažu ŭ aŭtorak», — napisaŭ śpiavak u instahramie.
Paśla napadu Rasii na Ukrainu Maks Korž nieadnarazova vykazvaŭsia suprać vajny, zapisaŭšy navat dźvie antyvajennyja pieśni. Praz heta jon faktyčna admoviŭsia ad mahčymaści vystupać u Rasii i admianiŭ ci pieranios zapłanavanyja tam kancerty. U Biełarusi jaho taksama ŭnieśli ŭ «čorny śpis».
Siarod admienienych u červieni 2022 hoda razam z rasijskimi akazaŭsia i kancert u Ryzie. Korž napisaŭ tady ŭ storyz instahrama:
«Małyja, jak vy ŭžo zdahadalisia, sioleta ŭ našych krainach kancertaŭ nie budzie. Nie mahu ja śpiavać pra žyćcio ŭ kajf, kali kožny dzień hetyja žyćci adbirajucca! Bieražycie siabie! Usio budzie dobra!»
Ciapier kvitki sapraŭdnyja akurat tyja, što byli nabytyja na toj pieraniesieny kancert.
Čytajcie taksama:
Maks Korž i Łedzi Haha. U Biełarusi značna pašyryli «čorny śpis» muzykaŭ
Maks Korž: Biełarusy nie pojduć na čužuju ziamlu
«Tot prav, kto zaŝiŝajet svoj dom»: Maks Korž vypuściŭ novuju antyvajennuju pieśniu
«Nie karmisia za košt ruskaha naroda bolš!» U Rasii na Karža spuścili sabak