Łukašenka: My ŭvažliva nazirajem za transfarmacyjaj hramadstva ŭ Kazachstanie
Siońnia Łukašenka pryniaŭ namieśnika premjer-ministra — ministra zamiežnych spraŭ Kazachstana Murata Nurtleŭ. Pa zaprašeńni biełaruskaha boku kiraŭnik MZS Kazachstana prybyŭ u Minsk z aficyjnym vizitam.
19.06.2023 / 11:43
Fota: «Puł pieršaha»
Baki praviali pieramovy ŭ vuzkim składzie, pra heta piša tengrinews.kz.
Łukašenka skazaŭ, što bačyć vialikija pierśpiektyvy dla dalejšaha raźvićcia dvuchbakovych stasunkaŭ. Jon paprasiŭ pieradać samyja dobryja pažadańni prezidentu Kasym-Žamartu Takajevu.
«My vielmi ŭvažliva nazirajem za pracesami transfarmacyi vašaha instytuta kiravańnia, u tym liku i vašaha hramadstva. Šmat čaho biarom na ałovak, jak u nas kažuć. Vielmi pravilna vy robicie, umacoŭvajučy i niezaležnaść svajoj dziaržavy, tym samym i biaśpieku, što niemałavažna siońnia. Tamu ja prašu vas majmu dobramu siabru pieradać samyja ciopłyja pažadańni — prezidentu Kasym-Žamartu Kiemieleviču. (…) Vy pavinny viedać, što Biełaruś zaŭsiody była vašym siabram. I na nas vy, kali vam treba budzie, možacie raźličvać. Jašče raz dziakuju vam za toje, što vy pryjechali ŭ Biełaruś», — zajaviŭ Łukašenka.