Palitviazień Vital Ivaniukovič vyjšaŭ na volu
Za kratami jon pravioŭ adzin hod i vosiem miesiacaŭ.
19.06.2023 / 13:03
Žychara Kamienca zatrymali 29 vieraśnia 2021 hoda za kamientar pad videa ź pierastrełkaj pamiž supracoŭnikam KDB Dźmitryjem Fiedasiukom i it-śpiecyjalistam Andrejem Zielceram. Spačatku jaho abvinavačvali ŭ abrazie milicyjanta i raspalvańni varožaści, ale potym spravu pierakvalifikavali na art. 369-1 Kryminalnaha kodeksa — «Dyskredytacyja Biełarusi», jak piša «Viasna».
U sudzie Žabinkaŭskaha rajona 28 lipienia 2022 hoda sudździa Viktar Novik pryznaŭ Ivaniukoviča vinavatym i asudziŭ jaho da dvuch hadoŭ pazbaŭleńnia voli ŭ kałonii va ŭmovach ahulnaha režymu.
U źniavoleńni Vital znachodziŭsia 1 hod, 8 miesiacaŭ i 18 dzion. 16 červienia jon vyjšaŭ na volu ź viciebskaj kałonii №3.