Наталля Качанава зноў наведала мінскі «Мотавелазавод» і дала некалькі цэнных указанняў
«Вытворчыя плошчы, якія будуць арганізаваныя ў рамках рэканструкцыі гэтай тэрыторыі, трэба выкарыстоўваць максімальна эфектыўна», — цытуе словы кіраўніцы Савета Рэспублікі ведамасны тэлеграм-канал падчас нарады на заводзе.
19.06.2023 / 15:24
Наталля Качанава. Фота: Савет Рэспублікі
«Гаворка ідзе пра інавацыйныя прадпрыемствы, арыентаваныя на выпуск прадукцыі з высокай дабаўленай вартасцю. У цэлым сёння мы павінны нарошчваць аб'ёмы вытворчасці запатрабаванай прадукцыі, прычым у разы. Гэта задача для ўсіх галін», — кажа Наталля Качанава.
Яна мяркуе, што трэба пашыраць сваю прысутнасць на замежных рынках, забяспечваць унутраныя патрэбы.
«Таксама важна праводзіць працу па лакалізацыі. У Беларусі шмат прадпрыемстваў, у тым ліку прыватнай формы ўласнасці, якім ёсць што прапанаваць для «Мотавелазавода» і іншых буйных зборачных вытворчасцяў. Трэба больш актыўна выкарыстоўваць іх вытворчы патэнцыял і напрацаваныя кампетэнцыі», — падсумоўвае спікерка верхняй палаты парламента.
Чытайце таксама:
Качанава назвала гэты горад адукацыйным, навуковым і культурным цэнтрам краіны
Наталля Качанава: Эканоміка перадусім
Колькі каштуе модны «лук» Качанавай?
Наталля Качанава расказала пра любімыя кнігі
«Гэта не пра нас — стылісты, візажысты…» Качанава раскрыла сакрэт свайго стылю