Apieracyja idzie zhodna z płanam: Załužny ŭpieršyniu apublikavaŭ VIDEA vizitu na pieradavuju
Heta nie pieršy vizit Załužnaha na pieradavuju, adnak heta pieršaje videa z hałoŭnakamandujučym u zonie bajavych dziejańniaŭ.
20.06.2023 / 07:06
Valeryj Załužny. Skrynšot videa
Hałoŭnakamandujučy USU Valeryj Załužny apublikavaŭ upieršyniu videa svajho vizitu na pieradavyja pazicyi ŭkrainskich vajskoŭcaŭ, piša «Ukrainskaja praŭda».
«Razam z načalnikam Hienieralnaha štaba Uzbrojenych sił Ukrainy hienierał-lejtenantam Siarhiejem Šaptałam praviali pracu ŭ hrupoŭkach vojskaŭ, jakija vykonvajuć samyja składanyja zadačy ŭ rajonach, dzie iduć samyja žorstkija bai».
Na videa taksama patrapili hadzińniki z dataj vizitu Załužnaha — 17.06.2023.
Załužny adznačyŭ, što praciŭnik, kab nie dapuścić prasoŭvańnia ŭkrainskich padraździaleńniaŭ, razharnuŭ sistemu fartyfikacyjnych umacavańniaŭ sa ščylnym miniravańniem miascovaści i vialikaj kolkaściu reziervaŭ.
Adnak, pavodle jaho, ukraincy robiać usio mahčymaje dla vyzvaleńnia ŭkrainskaj terytoryi.
Heta nie pieršy vizit Załužnaha na pieradavuju, ale heta pieršaje videa z hałoŭnakamandujučym u zonie bajavych dziejańniaŭ.
«Apieracyja praciahvajecca ŭ adpaviednaści z płanam», — napisaŭ jon.
Pałovu maja rasijskija miedyja musolili temu, što Załužny abo zabity, abo mocna paranieny, a na minułym tydni Pucin padčas razmovy z «vajenkarami» zajaviŭ, što Załužny znachodzicca nie va Ukrainie.