Dzieści kanstrukcyi ŭźviedzieny, a niedzie ŭ samym razhary. Što z budaŭnictvam novych stancyj mietro ŭ Minsku
Budaŭnictva troch stancyj Zielenałužskaj linii mietro — «Aeradromnaja», «Niemaršanski sad», «Słucki Haściniec» — u samym razhary. Kiraŭnik dyrekcyi pa budaŭnictvie Minskaha mietrapalitena Pavieł Carun raspavioŭ Minsk-navinam ab stupieni hatoŭnaści abjektaŭ.
20.06.2023 / 08:31
Fota: Minsk-naviny
«Aeradromnaja»
Kanstrukcyi stancyi całkam uźviedzieny. Praciahvajucca azdablenčyja pracy, uklučajučy kładku kamienia. Vykonvajecca mantaž eskałataraŭ, liftavaha i inšaha technałahičnaha abstalavańnia.
Bolš za toje, užo zabietanavanyja vierchnija zbudavańni šlachoŭ z mantažom chadavoj rejki.
«Niemaršanski sad»
Uzvodzić hetuju stancyju pačali paźniej, čym «Aeradromnuju». Zaraz tam taksama viaducca azdablenčyja pracy. Da kanca 2023-ha pastaŭlena zadača ich zaviaršyć.
U chutkim časie pačnuć mantaž eskałataraŭ i liftavaha abstalavańnia.
«Słucki Haściniec»
Stancyju pačali budavać samaj apošniaj z troch. Zaraz praciahvajucca manalitnyja pracy stancyjnaha kompleksu, jakija nieabchodna zaviaršyć da kanca hoda, i vykonvajecca azdableńnie ŭžo zbudavanych kanstrukcyj.
Prystupili da ŭźviadzieńnia tupikoŭ za stancyjaj i ŭmacavańniu katłavana adnaho z uvachodaŭ. Pa druhim ŭvachodzie viaducca manalitnyja žalezabietonnyja pracy z hidraizalacyjaj.
A što dalej?
— Z hienpadradčykam — «Minskmietrabudam» — užo zaklučany dahavor na padrychtoŭku terytoryi dla ŭźviadzieńnia čatyroch stancyj u napramku Zialonaha Łuha: «Park Družby narodaŭ», «Kamaroŭskaja», «Piarespa» i «Prafsajuznaja», — adznačyŭ P.Carun.
U adpaviednaści z technałohijaj zbudavańnia tuneli ŭ bok centralnaj častki horada buduć uzvodzić, pačynajučy z «parku Družby narodaŭ». Za miežy zony budaŭnictva stancyj užo vynosiacca najaŭnyja tam inžyniernyja sietki, buduć pabudavanyja abjezdy.
Heta nieabchodna, kab zbudavać katłavan dla nastupnaha mantažu i zapusku miechanizavanaha ščytavoha kompleksu, jakomu i treba budzie zakrytym sposabam kapać tuneli, i prystupić da paetapnaha ŭźviadzieńnia kanstrukcyj stancyjnaha kompleksu «Park Družby narodaŭ» z tupikami.
Asablivaść budaŭnictva budučych stancyj — na hetym učastku vysoki ŭzrovień hruntavych vod, tamu tam, dzie buduć pravodzicca pracy, pryjdziecca vykonvać vodapanižeńnie.