Вызначыліся магчымыя супернікі БАТЭ па першым раўндзе Лігі чэмпіёнаў
Сёння ў Швейцарыі пройдзе лёсаванне першага раўнда кваліфікацыі Еўракубкаў.
20.06.2023 / 11:40
Фота: Uefa.com
У кваліфікацыі Лігі чэмпіёнаў ад Беларусі пасля скандалу з «Шахцёрам» выступіць барысаўскі БАТЭ.
Папярэдне каманды, што возьмуць удзел у першым раўндзе кваліфікацыі, разбітыя на групы. БАТЭ трапіў у «групу 3» у лік сеяных.
Яму можа трапіцца адна з наступных камандаў:
«Дынама» (Тбілісі), «Партызан» (Албанія), «Фарул» (Румынія), «Урарту» (Арменія), «Хамрун Спартанс» (Мальта).
Лёсаванне пройдзе а 15-й гадзіне, а самі матчы — 11-12 і 18-19 ліпеня.
Сёння пройдзе таксама лёсаванне першай стадыі кваліфікацыі Лігі канферэнцый, дзе згуляюць мінскае «Дынама» і гродзенскі «Нёман».
Чытайце таксама:
Нарэшце! Футбольная зборная Беларусі перамагла
«Мне спадабалася: правільна гулялі» — галоўны трэнер пра матч з Косава