«Charošyja ruskija» pasvarylisia z-za Cichanoŭskaj
U tvitary — vialikaja svarka siarod «charošych ruskich». Tam FBK Navalnaha, libiertaryjancy, žurnalisty «Mieduzy». A sčapilisia jany praź lidarku biełaruskaj apazicyi Śviatłanu Cichanoŭskuju.
21.06.2023 / 13:38
Lidarka biełaruskaj apazicyi Śviatłana Cichanoŭskaja. Fota: pres-słužba Cichanoŭskaj
Pačałosia z taho, što palityk-libiertaryjaniec Michaił Śvietaŭ napisaŭ, što Cichanoŭskaja — «vielmi krutaja».
«Pakul rasijskaja libieralnaja apazicyja razvažała pra kalektyŭnuju adkaznaść, brała na siabie adkaznaść za vajnu i pahražała ruskim reparacyjami, Cichanoŭskaja zrabiła ŭsio, kab rastłumačyć jeŭrapiejcam roźnicu pamiž biełarusami i režymam Łukašenki».
Śvietaŭ dałučyŭ da pasta navinu pra rezalucyju Parłamienckaj asamblei Rady Jeŭropy, u jakoj paznačana, što hramadzian Biełarusi nie varta atajasamlivać z režymam Łukašenki, a taksama z zaklikam da krain Rady Jeŭropy palehčyć biurakratyčnuju ciahaninu dla biełarusaŭ.
Da sprečki dałučyŭsia žurnalist «Mieduzy» Alaksiej Kavaloŭ, jaki źviarnuŭsia da palityka Śvietava, a čamu toj nie robić taho, što Cichanoŭskaja.
Dalej tred adyšoŭ ad temy i skaciŭsia va ŭzajemnyja abvinavačańni, da jakich dałučyłasia viadomaja rasśledavalnica Maryja Pieŭčych. Da sutnaści sprečki ŭdzielniki pakul nie viartalisia.
Cikava, što miesiac tamu člen FBK Navalnaha Leanid Vołkaŭ raskrytykavaŭ Śviatłanu Cichanoŭskuju za toje, što jana nie zrynuła Łukašenku i zamiest hetaha zajmajecca abaronaj biełarusaŭ za miažoj. Na dumku Vołkava, heta pamyłka, jakoj jon i FBK sprabujuć paźbiehnuć.
Čytajcie taksama:
U Viarchoŭnuju Radu Ukrainy ŭnieśli zakonaprajekt ab pryznańni Biełarusi krainaj-ahresaram