Na kiraŭnika «Biełaruskaha doma ŭ Varšavie» zaviali ŭ Biełarusi try kryminalnyja spravy
Kiraŭnik «Biełaruskaha doma ŭ Varšavie» Aleś Zarembiuk paviedamiŭ, što 21 červienia pa miescy jaho žycharstva i rehistracyi ŭ Mastach na Hrodzienščynie prajšli dva pieratrusy.
21.06.2023 / 19:40
Aleś Zarembiuk
«Siońnia pa miescy majho žycharstva i prapiski ŭ Mastach prajšli dva pieratrusy. Pradstaŭniki Śledčaha kamiteta z Hrodna dapytali tatu, ciapier dapytvajuć u carkvie mamu (mama — nastaŭnica, viadzie ŭ carkvie zaniatki ź dziećmi). Suprać mianie raspačali try kryminalnyja spravy», — napisaŭ Aleś Zarembiuk u fejsbuku.
Aleś Zarembiuk staŭ palitemihrantam jašče ŭ 2010 hodzie. U Biełarusi jon byŭ hramadskim aktyvistam, KDB zavioŭ na jaho kryminalnuju spravu paśla ŭdziełu ŭ miascovych vybarach. Aleś vyjechaŭ spačatku va Ukrainu, a adtul pierajechaŭ u Polšču. «Biełaruski dom u Varšavie» byŭ stvorany ŭ 2012 hodzie.
Čytajcie taksama:
Anarchista Dźmitryja Duboŭskaha źbirajucca pieravodzić na turemny režym