Łukašenka ličyć, što varta spraścić budaŭnictva šmatpaviarchovikaŭ
Na naradzie z kiraŭnictvam Saŭmina Alaksandr Łukašenka prapanavaŭ spraścić praces budaŭnictva šmatpaviarchovikaŭ pa anałohii ź indyvidualnymi damami.
22.06.2023 / 11:04
«Pa pryvatnym siektary mnie dakładvali, što bolšaść prablem — z dostupam da kamunikacyj, dakumientacyjaj i hetak dalej — vyrašyłasia i ludzi zadavolenyja. Dobra, kali tak. Ale ja sumniavajusia. Heta my ŭ najbližejšy čas pravierym. Nie chaciełasia b, kab było jak u achovie zdaroŭja», — skazaŭ Łukašenka.
«Ale dla taho, kab pačać budavać šmatpaviarchovik, zavod, pramysłovy abjekt, treba sabrać dziasiatak-druhi techničnych umoŭ ad enierhietykaŭ, MNS, sanstancyj, miascovaj ułady i inšych. I stolki ž daviedak potym nieabchodna atrymać u kancy budaŭnictva, — skazaŭ jon. — Treba pahladzieć, moža być, nam pa niejkich napramkach možna admovicca ad niejkich daviedak».
Łukašenka daručyŭ prapracavać hetaje pytańnie.