U Biełarusi zadumali stvaryć vakcynu ad hrypu
Ułasnaja vytvorčaść padobnych preparataŭ nieabchodna, kab svoječasova reahavać na pahrozy ŭ budučyni, jak ličać śpiecyjalisty.
23.06.2023 / 07:14
Fota: «Naša Niva»
Prajekt pa stvareńni biełaruskaj vakcyny ad karanavirusa zavieršycca da kanca 2023 — pačatku 2024 hoda. Pra heta zajaviŭ namieśnik ministra achovy zdaroŭja, hałoŭny dziaržaŭny sanitarny doktar krainy Alaksandr Tarasienka, jak piša Tochka.by.
Jon adznačyŭ, što biełaruskija navukoŭcy ŭsio roŭna praciahvajuć pracavać nad ułasnaj vakcynaj ad COVID-19, choć situacyja ź infiekcyjaj va ŭsim śviecie palepšyłasia. Robicca heta z płanami na budučyniu ab dalejšym raźvićci vytvorčaści i inšych vakcyn.
«Hladzim, naprykład, na toje, kab stvaryć vakcynu i suprać hrypu», — adznačyŭ Alaksandr Tarasienka, dadaŭšy, što ŭłasnaja vytvorčaść takich preparataŭ nieabchodna, kab svoječasova reahavać na pahrozy ŭ budučyni.
Ajčynnaja vakcyna ad «karony»
U sakaviku 2021 hoda Alaksandr Łukašenka daručyŭ biełaruskim navukoŭcam stvaryć svaju vakcynu ad karanavirusa, zajaviŭšy, što heta sprava honaru dla Ministerstva achovy zdaroŭja i NAN Biełarusi.
Preparat u prabircy byŭ atrymany ŭžo ŭ mai 2021-ha. Heta inaktyvavanaja vakcyna, padobnaja da kitajskaj Sinopharm abo rasijskaj «Kavivak».
Jak zajaŭlaŭ raniej kiraŭnik NAN Uładzimir Husakoŭ, pratatyp vakcyny dobra pieranosicca i nie maje pabočnych efiektaŭ. Jon taksama padkreślivaŭ, što preparat «stymuluje vypracoŭku antyciełaŭ suprać virusa SARS-CoV-2 na ŭzroŭni nie nižejšym za suśvietnyja anałahi».
U studzieni 2023 hoda stała viadoma, što biełaruskuju vakcynu ad karanavirusa ŭžo pratestavali na žyviołach.
Preparat buduć vyrablać na AAT «BiełVitunifarm» u Viciebskaj vobłaści.
Čytajcie taksama:
Univiersalnaja vakcyna suprać hrypu stanovicca ŭsio bolš realnaj
Test na 60 vidaŭ raku zaraz možna budzie zdać i ŭ Minsku
Hetyja simptomy mohuć śviedčyć ab sardečnaj niedastatkovaści