U niadzielu — pieršaja słužba ŭ novym prychadskim domie biełaruskich pravasłaŭnych Kanstancinopalskaha patryjarchatu
25 červienia adbudziecca adznačeńnie pamiaci śviatoha Jana Chryściciela pa novym styli ŭ biełaruskim prychodzie Suśvietnaha patryjarchatu ŭ Vilni.
23.06.2023 / 09:17
«Najbližejšaja niadziela, 25 červienia — patrojnaje śviata našaj biełaruskaj pravasłaŭnaj hramady Suśvietnaha patryjarchatu ŭ Vilni! My słužym pieršuju liturhiju ŭ našym prychodskim domie ŭ sercy staroj Vilni pa adrasie: Bokštų g. 4 (staradaŭniaja nazva — vulica Zbaŭcy)», — napisaŭ u svaim fejsbuku śviatar Hieorhij Roj.
«My śviatkujem pamiać Śviatoha Jana Chryściciela (pa novym styli pamiać 24.06 — pieranosim na 25.06)
Pačatak Liturhii — 9.00
Paśla bohasłužeńnia — čajavańnie!
Usich sardečna zaprašajem na śviatkavańni i ŭ našu novuju carkvu!» — napisaŭ jon.
«Jašče vielmi chaču paprasić padtrymać našu supolnaść. Nam vielmi patrebnyja srodki na ramont i ŭładkavańnie novaj carkvy i domu.
Tyja srodki, jakija byli sabranyja, my patracili na nabyćcio samaj nieabchodnaj mebli i bohasłužbovaha načyńnia. Vielmi chaciełasia b zrabić naš chram pa-sapraŭdnamu biełaruskim, dzie my mahli b raskazvać pra duchoŭnuju i kulturnuju spadčynu našaj Radzimy. Budziem vielmi ŭdziačnyja za padtrymku:
Nahadajem, što biełaruski prychod u Vilni ŭ jurysdykcyi Suśvietnaha patryjarchatu byŭ stvorany ŭviesnu, paśla taho jak śviatary Hieorhij Roj i Alaksandr Kuchta byli pryniatyja pad amafor Kanstancinopalskaha (Suśvietnaha) patryjarchatu.
Na Vialikdzień prajšła pieršaja słužba. Paśla śviatary skazali, što buduć prytrymlivacca novajulijanskaha kalendara (supadaje z hryharyjanskim).
Čytajcie taksama:
Upieršyniu prajšło biełaruskaje nabaženstva ŭ jurysdykcyi Kanstancinopalskaha patryjarchata
Kanstancinopalski patryjarchat padpisaŭ pahadnieńnie ź Litvoj. Jano tyčycca i biełaruskich viernikaŭ