Vyniesieny prysud «złodzieju ŭ zakonie» Sašy Kušnieru
Minski haradski sud 23 červienia vynies pryhavor Alaksandru Kušniarovu, bolš viadomamu jak «Saša Kušnier», pra heta piša «Minskaja praŭda». Jamu dali 24 hady kałonii.
23.06.2023 / 11:05
Prakuror zaprasiŭ dla «złodzieja ŭ zakonie» 25 hadoŭ kałonii asablivaha režymu.
Sudździa vynies prysud u dačynieńni da 56-hadovaha Alaksandra Kušniarova — 24 hady kałonii asablivaha režymu. Pieršyja 5 hadoŭ jon praviadzie ŭ turmie.
Kušniarova sudzili za zakaznoje zabojstva. Havorka idzie pra pomstu za siabra i samaha viadomaha azierbajdžanskaha złodzieja ŭ zakonie Nadzira Salifava pa mianušcy Huli.
Kušniarova zatrymali ŭ 2022 hodzie.
Alaksandr Kušniaroŭ maje šeść sudzimaściaŭ. Adnojčy jon navat byŭ prysudžany da śmiarotnaha pakarańnia, adnak zatym jano była zamienienaje na turemny termin — 15 hadoŭ.
Jon naradziŭsia ŭ Homieli, žanaty, u jaho troje dziaciej, adno ź jakich niepaŭnaletniaje. Maje siaredniuju adukacyju. Naležaŭ da bandy Marozava.
Čytajcie taksama:
Zatrymali «złodzieja ŭ zakonie» Kušniarova. Jaho padazrajuć u arhanizacyi zabojstva