Hrodzienskuju aktyvistku Anžaliku Arechvu nie vypuścili ź Biełarusi
Siońnia aktyvistka polskaha ruchu z Hrodna Anžalika Arechva chacieła vyjechać ź Biełarusi, ale jaje nie vypuścili, pastaviŭšy ŭ pašparcie adpaviedny štamp.
23.06.2023 / 21:30
«Siońnia mianie nie vypuścili ź Biełarusi. Pra pryčynu skazali daviedacca ŭ RAUS. Takaja biełaruskaja realnaść u 2023 hodzie», — napisała Arechva ŭ fejsbuku i apublikavała fota štampa ŭ pašparcie.
Anžalika Arechva — kolišniaja aktyvistka niepryznanaha ŭładami Sajuza palakaŭ u Biełarusi i byłaja žonka muzyki Ihara Bancara. U 2022 hodzie jaje sudzili pavodle administracyjnaha artykuła ab raspaŭsiudzie «ekstremisckich» materyjałaŭ.