Atrady PVK «Vahnier» pakidajuć Rastoŭ, provady ŭračystyja — miedyja
Rasijskija miedyja pišuć pra toje, što najmity z PVK «Vahnier» pakidajuć Rastoŭ-na-Donie, jaki amal cełyja sutki znachodziŭsia pad ich kantrolem.
24.06.2023 / 22:15
Fota: «Kommiersant»
Adychod, jak pišuć, adbyvajecca ŭračysta. Na stadyjonie «Rastoŭ-Arena» idzie vielizarny biahučy radok: «My ŭsie adzin narod i zmahajemsia z adnym źniešnim voraham. Vierym u ruski narod i našaha prezidenta!»
Telekanał «Dožd́» apublikavaŭ karotkaje videa, na jakim najmity źbirajucca, a natoŭp im apładziruje z krykami «Vahnier» — siła!».
Pra toje, što mnohija žychary Rastova padychodziać da bajcoŭ «Vahniera», raźvitvajucca i fatahrafujucca ź imi, piša i karespandent «Kommiersanta».
Niekatoryja kvartały dahetul pierakrytyja, tam staić vajskovaja technika. A adzin tank pa-raniejšamu znachodzicca ŭ varotach cyrka.
Čytajcie taksama:
Pryhožyn zajaviŭ, što razvaročvaje svaje kałony
Kampramis miž Pucinym i Pryhožynym dasiahnuty pry pasiarednictvie Łukašenki — jaho pres-słužba