U Rudziensku aryštavali Uładzimira Kondrusia
Žychara Rudzienska Uładzimira Kondrusia aryštavali za «raspaŭsiud ekstremisckich materyjałaŭ», paviedamlaje «Biełsat».
25.06.2023 / 22:10
Uładzimir Kondruś u 2016 hodzie. Fota: «Naša Niva»
Pavodle papiarednich źviestak, mužčynu pakarali 15-dzionnym aryštam za reposty materyjałaŭ «Biełsata» i «Chartyi-97» dy kanfiskavali mabilny telefon. Tak pastanaviła sudździa suda Puchavickaha rajona Alena Marčanka.
Zatrymali Kondrusia 16 červienia. Za kratami jon abviaściŭ haładoŭku.
«Jamu daviałosia spać na hołym žalezie, paścieli nie dali. Unačy budzili pa niekalki razoŭ. Tydzień jon trymaŭ haładoŭku», — raskazała krynica.
U adkaz na abvieščanuju haładoŭku Kondrusia płanujuć nakiravać na ekśpiertyzu ŭ Centr psichičnaha zdaroŭja ŭ Navinkach.
Pad raspaŭsiudam ekstremisckich materyjałaŭ łukašysty razumiejuć pierapost infarmacyi ź niepadkantrolnych im ŚMI.