Hiermanija adhuknułasia na zapyt Biełarusi ab hienacydzie
Ale najbolš ciesna biełaruskaja prakuratura supracoŭničaje z kalehami z Rasijskaj Fiederacyi.
26.06.2023 / 11:35
Andrej Švied. Fota: BiełTA
«Stvoranaja sumiesnaja rabočaja hrupa z Hienieralnaj prakuraturaj Rasii, a taksama sumiesnaja śledčaja hrupa sa Śledčym kamitetam Rasijskaj Fiederacyi. Abmien infarmacyjaj adbyvajecca praktyčna kožny dzień. U archiŭnych ustanovach Rasii znachodzicca značny abjom dakumientaŭ, pry analizie jakich my taksama vyśviatlajem novyja fakty złačynstvaŭ akupantaŭ», — cytuje słovy hienprakurora «Sputnik».
Naprykład, u rasijskich archivach znajšli dakumient, jaki dakazvaje, što hitleraŭcy ŭžyvali suprać nasielnictva Viciebskaj vobłaści atrutnyja rečyvy, jakija skidalisia z samalota.
U cełym Hienprakuratura adpraviła ŭ dziasiatki krain 97 daručeńniaŭ ab akazańni pravavoj dapamohi.
«Niadaŭna na naš zapyt ab vydačy dakumientaŭ, jakija majuć dačynieńnie da rasśledavańnia kryminalnaj spravy, adhuknułasia Hiermanija», — paviedamiŭ Švied.
Biełaruskija prakurory vyvučajuć ciapier prysudy ŭ dačynieńni da šerahu nacystaŭ za złačynstvy, učynienyja na terytoryi BSSR. Hetyja materyjały atrymali ad niamieckich kaleh.
Ukraina, Polšča i bałtyjskija krainy na zapyty nie adkazvajuć.
Sa słoŭ Švieda, padčas rasśledavańnia ŭdałosia dapytać 17 tysiač čałaviek, ź jakich amal 8 tysiač byli viaźniami akupantaŭ. Da śledstva była viadomaja infarmacyja, što ŭ BSSR 186 viosak byli źniščanyja takim ža čynam, jak Chatyń. Ciapier užo viadoma pra 270 nasielenych punktaŭ.
Čytajcie taksama:
Švied vyznačyŭsia, pa jakich artykułach buduć sudzić pamierłych
Na knižnaj vystavie ŭ Minsku dabiŭsia tryumfu «Hienacyd biełaruskaha naroda»