Zialenski: Byŭ na froncie, heta ščaślivy dzień — na ŭsich kirunkach było prasoŭvańnie
Prezident Ukrainy paviedamiŭ, što jon byŭ rady padziakavać ukrainskim vajaram asabista. Pra heta Uładzimir Zialenski paviedamiŭ padčas načnoha videazvarotu, zapisanaha ź ciahnika, piša «Ukrainskaja praŭda».
27.06.2023 / 06:37
Fota z telehram-kanała Uładzimira Zialenskaha
«Siońnia — front. Danieččyna, Zaparožža. Našy voiny, našy pieradavyja pazicyi, napramki aktyŭnych dziejańniaŭ na froncie. Siońnia na ŭsich napramkach u našych voinaŭ było prasoŭvańnie napierad, i hety ščaślivy dzień. Ja pažadaŭ chłopcam bolš takich dzion».
Zialenski raspavioŭ, što 26 červienia byŭ u padraździaleńniach «Chorcicy», jakija hieraična vyznačylisia ŭ bitvie za Bachmut, dalej — u «vielmi mahutnych, vielmi akuratnych» marpiechach, zatym − u «Taŭryi», na Paŭdniovym froncie.
Fota z telehram-kanała Uładzimira Zialenskaha
Jon taksama dadaŭ, što pravioŭ narady z hienierałami Vasilom Zubaničam, Alaksandram Tarnaŭskim, Juryjem Modulem i Alaksandram Syrskim, na jakich pryniali niekalki apieratyŭnych rašeńniaŭ.
A taksama jašče raz abmierkavali stvareńnie Korpusa marskoj piachoty.
Fota z telehram-kanała Uładzimira Zialenskaha
Akramia taho, pa słovach Zialenskaha, jon mieŭ pieramovy z partniorami, u pryvatnaści z prezidentam ZŠA Džo Bajdenam − pierš za ŭsio ab pastaŭkach zbroi.
Źleva ad Zialenskaha kiraŭnik Ofisa prezidenta Andryj Jarmak. Fota z telehram-kanała Uładzimira Zialenskaha
«Nasyčany dzień, šmat emocyj. Mieŭ honar uznaharodzić našych voinaŭ, padziakavać asabista, pacisnuć ruku. Dziakuj za ŭsie vašy słovy padtrymki, chłopcy! Dziakuj za abdymki — vielmi ciopłyja-usim siońnia. I dziakuj za vašy šaŭrony. Heta nadzvyčaj hanarova dla mianie, pra kožnaha šaŭronie raspaviadu asobna. Usie našy voiny — ad sałdata, matrosa da hienierała — małajcy!»,— padsumavaŭ prezident.